Nimin chawhnu khan Lunglei DC Pi Lalzarmawii, IAS kaihhruaiin DC Conference Hall-ah Lunglei District Level NLUP Implementing Committee an thukhawm a, December ni 14, 2016-a NLUP Implementing Board (NIB) thurel bawhzui dan tur te an sawiho.

NIB meeting-in a rel tawh angin NLUP beneficiary list dik tak nei tur hian Lunglei DC chuan a kaihruai anga,  January ni 18, 2017 ral hma ngeia NIB thleng tur tih a nih avangin, Line Department 8-ten Lunglei DC hnenah January ni 13, 2017 aia tlai lo ah thehluh nise tiin an rel.

Heng bakah hian Beneficiary Impact Analysis/ Exit Formality Form zawhfel tawh te chu Department in thlir sakin a tul dan anga siam that leh tura tih a ni a. DC Office atanga monitor-in department hrang hrang a mal te te a feh chhuak lovin, ‘Area Team’ siam rawt a ni a. Heng team pui tur data collector te hnenah training pek nise an ti bawk.

Kuthnathawktute ni 2017 hman dan tur chungchangah erawh NIB thutlukna ngaihchan nise tiin an rel a ni.