3446/2022-2023

Lunglei the 1st February' 2023: Vawiin chawhnu khan Lunglei District Level Socio-Economic Development Policy (SEDP) Committee chu an Chairman Lunglei Bawrhsap Pi Ramdinliani, IAS hovin DCs Conference Hall, Lunglei ah an thukhawm.

Chairman Pi Ramdinliani chuan member kalkhawmte lawmna thu sawiin SEDP chu District chhunga kuthnathawk tuten an chhawr dan ber tura kalpui leh eizawnna nghelnghet pek anih theh nan line Department te chu theihtawp chhuah turin leh beneficiary te vil leh kaihhruai kawngah hma la turin a chah a ni.

He Committe hian SEDP thutkhawm hmasak a beneficiary thlan double leh diklo awmte tihfel anih thu tarlan a ni a, tin, line department te atangin hmalakna report ngaihthlak a ni bawk. Hmalak zui zel dan tur te sawi ho a niin beneficiary hma la tha dapchhuah bakah hma la tha te zawn chhuah a an hmalakna te document a siamsak tura tih a ni.

Lunglei District huam chhung a SEDP Line  Department 9 hnuaia beneficiary 9000 awmin AH& Vety ah 4279, Agriculture ah 1155, Commerce & Industries ah 1755, Fisheries ah 194, Horticulture ah 500, Land Resources, Soil & Water Conservation ah 1059, Sericulture ah 30, UD&PA ah 25 leh Tourism ah 3 an awm a ni.