668/2022-2023
Lunglei 27th May 2022: Vawiin chawhma dar 11:00 khan Lunglei District Level SEDP Committee chu an Chairman Bawrhsap Pu Kulothungan A, IAS kaihhruaina a DC’s Conference Hall ah thukhawm in, Lunglei District chhunga SEDP kalpui dan tur leh hmalak dan tur hrang hrangte an sawiho.

Chairman Pu Kulothungan A chuan, SEDP chu family oriented a kalpui tur anih thu leh mahnia eizawnna (self-employment leh kuthnathawh) bul tan nan leh heng eizawnna kalpui mekten hma an sawn zel theih nana an hman tur tanpuina pek a, mimal leh chhungkua a tam thei ang ber dinhmun tha zawk a hlan kai a ni a ti.

SEDP hi family oriented anih angin tanpuina hi chhungkua anga dawn tur a ni a, chhungkaw pakhat atangin beneficiary pakhat chauh a awm theih a, State leh Central sorkar hnuaia hnathawk nghet awmna chhungkua te chu a huam lo.

SEDP diltute chuan trade pakhat chauh thlan tur niin, tanpuina pawisa dawn hman dan tur leh pawisa dawnna tur bank account tarlan ngei tur a ni bawk, Village Level SEDP Committee chuan SEDP dawng tura an rawt te chu an ngaih pawimawh dan indawtin an rem tur a ni a, diltu zawng zawng ten phase I ah tanpuina an dawng vek theilo anih pawhin sorkar sum dinhmun a zira phase dang lo la awm zel tura an tel theih nan suahmanna siam a ni ang.

SEDP hi thawh (phase) hrang hrang a kalpui tur a ni a, thawhkhatna (first phase) atan MLA Assembly Constituency tin atangin chhungkaw 1500 zel huam tura ruahman a siam tur a ni a, diltute zinga a thawhkhatnaa tel velo te phase dang la awm tur a tel thei tura ruahmanna siam a ni ang.

SEDP tanpuina dawngtute chuan an hmanna tur a an tarlanah tak pawisa hi an hman leh hmang loh Village Level Committee ten an en dik avanga an endiklna report chu District level SEDP Committee hnenah an thehlut lut eleh anga, he inspectoion report hi Dist Level SEDP Committee leh Family Oriented SEDP Implementing Deptt ten an enpui ang, pawisa hmang tha lo emaw a hmanna tura hmang lote chu a thawh hnihna (phase-II) awm leh turah an tel thei tawh lovang, hetih lai hian anmnahni huam chhung theuhah Village Level SEDP Committee cghuan hnathawk tha bik chhungkaw panga theuh thleng an thlang thei anga, heng mite hi SEDP Governing Body remtihpuina hi chawimawina leh lawmman pek theih an ni ang.

Village Level SEDP Committee in ni 30.5.2022 hma ngeia Beneficiary list Dist level SEDP Coimmittee a thehlut tura tih chu Lunglei District bikah chuan a hun a tep ter em avangin June 10, 2022 thleng pawhsei niin District level SEDP Committee in an district huamchhung theuhva Beneficiary list SEDP Executive Board a an theluh theih hun hnuhnung ber atan ni 15.6.2022 ruahman a ni bawk

Village Level SEDP Committee member thlan thar te chu pawm niin 30/05/2022 ah member-te training neih tur a ni.