Vawiin khan Lunglei Sub-Hqrs. YMA Conference Hall ah Lunglei District Milk Producers Co-operative Union Ltd. 1st Annual General Conference 2015 chu hman a ni. Pu Pc. Zonunsanga, Chairman LDMPCU Ltd. in inkhawm kaihruaiin, Pu K. Lalnghinglova, Secretary AH & Vety Department chu khuallian a ni.

Pu K. Lalnghinglova chuan  Bawnghnute inthar chhuah te Union ah in chhunglut vek a nga, Hrisel leh tha taka sawngbawl a nih hnu ah mipui ei a tan man man zawk a hralhchhuah ani ang a, chu chuan Bawng vulhtu te tan hlawkna tam tak in tel dawn a ni. Bawng vulhtu te hi mipui rawngbawltu in ni a, tha hnemngaihna rilru pu chungin Bawnghnute tam tak Lunglei khaw tan mai nilovin then awm khua ah te thawn chhuak thei tur khawp a thar chhuak theuh turin a duh thu a sawi a. Bawnghnute atang hian thil tam tak Dhoi, Paneer, Ghee, Rajmola etc. te siam chhuak a zawrh dan ngaihtuah turin kalkhawmte a chah a ni. Bawnghnute a kan intodelh theih nan mihausa ten Bawng vulhtu te hi hmang tangkai se hei hian hmasawnna tam tak min thlen thei dawn a ni, a ti.

Dr. Rokhawla Jt. Director, AH & Vety Aizawl pawhin thu sawiin Dairy Developement Project hi Central Sawrkar in Department enkawl hi a remti tawhlo a, sum pawh pek chhuah anitawh meuh lo a ni. Union in a enkawl hian sum leh tanpuina pawh hai chhuah dan kawng a inhawng dawn a ni a ti. Mahni tharchhuah ngei atang hian merket nei tha turin a chah bawk a ni.

Dr. Vanlalbuanga, Managing Director, LDMPCU Ltd. in report pein Lunglei District Milk Producer Co-Operative Union hi Lunglei khawpui chhung a veng hrang hrang a Bawng vulhtu in telkhawm ten an din a ni a. Tun ah hian Society sawmhnih (20) awmin member 420 vel an awm mek a ni. AH & Vety Department ten Integrated Dairy Developement Project (IDDP) hmanga Lunglei mipuite hnenah Bawnghnute an sem chhuah thianghlim leh tak tha sawngbawl na hmun chu Lunglei District Milk Producer Co-Operative lo din chhuah chin ah chuan Govt. Of Mizoram chuan AH&Vety Department atangin LDMPCU Ltd. kut a awm turin Dt. 5.3.2015 khan inremna ziah a ni a, tunah hian LDMPCU hian Milk Producer atangin    nitin Bawnghnute Littre 1000 - 1100 vel semchhuah thin ani a. Hemi bakah hian Lawngtlai, Saiha, Chawngte, Tlabung, Haulawng leh Lungsen-ah te nitin Littre 300-350 thawnchhuah thin ani bawk.

Pu Lalengmawia Sr. Inspector ARCS Lunglei leh Pu Lalrokunga, NABARD, Manager Southern Zone ten Bawngvulhtu te tan a tangkai tur thu an sawi bawk.