Vawiin chawhma dar 11:00 khan Lunglei Circuit House conference hall ah HPC Vice Chiarman Pu Joseph Lalhimpuia hovin NLUP Monitoring committee member te leh Line Deptt. hotute an thu khawm.

He metting hi District NLUP Implementing committee Chairman Pu V. Sapchhunga, District bawrhsap nibawk in a kaihruai a, NLUP hmalakna a kut thlak tawh te Projector hmangin pholan a ni.

HPC Vice Chairman chuan hun reilo te chhung a NLUP dawngtu te hmalakna hlawhtlin beisei awm tak tak hmuh tur a awm chu a lawmawm hle ani a ti. Sawrkar Flagship Programme a nih piah lamah tu leh fate tan a ro siam mek kan nih a vangin a dawngtu te leh a enkawltu Line Deptt. te phur tak a tan kan lak sauh sauh a pawimawh a ni a ti a, thawk thalo leh kawhmawh bawlte chu enliam mai mai lo turin thu neitute a chah a ni. Bawrhsap pawn NLUP Beneficiary kawhmawh bawlching te chu engpawl hruaitu pawh nise sawrkar in NLUP scheme a inziak angin a hrem theih thu a sawi bawk.

Vawiin meeting ah hian Agriculture Deptt., Soil & Water Conservation, Horticulture, Fisheries, Industries, Sericulture, AH&Vety leh Forest Deptt. ten an thawh chin a hlawh tlin na leh beneficiary ti tha lo te vanga an harsat na te an report a. Agriculture Deptt. hnuai bik ah beneficiary 946 ten WRC-I, WRC-II, Oil Palm leh Sugarcane ah te trade an thlang a. Heng ho tanpuina a tan hian cheng nuai 935.86 sen a nih tawh thu tarlan a ni a. Agriculture trade thlang zinga titha zualte hmalakna projector hmanga tarlan nghal a ni. Horticulture hnuai ah beneficiary 1289 te hnen ah Rs.892,88,240 seng in Serthlum tiak 5,61,10,000, Lakhuih kung 277,98,000, Kuhva kung 47,39,000, Sapthei tiak 1,82,600, Grape tiak 2,47,140, Iskut tiak 78,500 leh Tung tiak 1,33,000 sem tawh a ni a. Heng tanpuina dawng zing a titha te tarlan a nih rualin thawk tha tawklo mi 20 te 3rd Installment hrensak te chung chang pawh ngaihtuah nghal a ni. Horticulture hnuai a beneficiary te hnen ah tanpuina cheng nuai 1356.226 pek ni tawh in heng ho hian Hmunphiah, Rubber leh Coffee chinte an thlang a, Hmunphiah hi NLUP dawngtu ten an thar hmasak berin 515.15Qtl. thar nghal in an hralh tawh a ni. Coffee tiak 192040 kum 2011 ah sem chhuah a ni tawh a, Rubber tiak 1,89,200 sem chhuah a ni tawh bawk. Sericulture Deptt. hnuai a beneficiary 145 te hnen ah tanpui nan cheng 99,72,520 pek a ni tawh a, heng mi te hian Cocoon 1376.80Kgs. an thar tawh a ni.Fishery Deptt. hnuai a Sangha dil khuah tanpuina dawng tu mi 172 zing a 136 chuan an hna an zawh fel tawh thu tarlan a ni bawk. Forest Deptt. hnuai a NLUP hmalakna ah Rs.1,53,84,369 leh Industry hnuaia beneficiary 1487 te hnen ah cheng 2,84,61,700 sem a ni tawh a ni. Industry sector a trade thlang mi 9 thawk thalo te chung chang pawh ngaihtuah nghal a ni a, AH&Vety Deptt. hnuai a trade hrang hrang chung chang chipchiar tak a sawiho a ni bawk.