Vawiin chawhma dar 10:30 khan Lunglei Circuit House Conference hall-ah Pu Joseph Lalhimpuia, Vice Chairman, HPC leh Bawrhsap Pu V.Sapchhunga kaihruainain cluster 7 a District Level NLUP Monitoring Committee member te an thu khawm a. He meeting ah hian Line Department official hna vil thalo te leh beneficiary thawk tha lote vil leh endik dan tur te an rel a ni.

Vice Chairman chuan Monitoring Committee chu NLUP hlawhtlinna kawng a endiktu hna pawimawh tak thawktu tur an nih piah lamah NLUP hmalakna kalpui diklo tute khalh ngil hna chanpual pawimawh tak an nei a ti a. Loneitute hnenah thlai chi tha lo pek a awm lohna turin ngun taka line department te hnathawh pawh enzui turin Pu Lalhimpuia chuan a ti a. He meeting ah hian Bawrhsap pawh in Monitoring te pawimawhzia sawiin endik tute an in thlah dul chuan Line Department leh beneficary te tan in thlah dul a awlsam thin tiin a sawi bawk a ni.

Monitoring committee chuan endiktu team dina Cluster tin a NLUP hmalakna kalpui dan fir zawk a enfiah a rel a. Cheng nuai tam tak senna NLUP hmalakna hian Lunglei District ah tun aia nasa zawk a hmasawnna hmel thar a thlen theih nan uluk zawk a endik hna hi kalpui nise tiin an rel.

Attachment

  • Loading attachment...