“Nungcha humhalh hi mitin mawhphurna a ni” - He thu hi Pu S. Hiato chuan Vantawng Khawhthla bulah amah tawiawmtu ten an mit ngeia Mizoram State Animal ‘Saza’ (Serow) tla lai pathum leh nungcha dang an hmuh hnua a sawi a ni.

Tourism Minister Pu S.Hiato chuan Vantawng Khawhthla bula nungcha awmte humhalh chu Thenzawl mipui mawhphurna chauh ni lovin Mizoram mitin mawhphurna a ni, a ti. Vantawng Khawhthla leh Tuirihiau chhel velah hian ramngaw humhalh chungin Trekking Route leh Hiking Trail tha tak siam theih a ni, a ti bawk.

Parliamentary Secretary Pu H.Zothangliana chuan nungchate hi khualzinte hipna hlu leh tangkai tak an ni tih hre renga, an thlavang hauh leh veng tlat turin mipui a ngen a ni.

Attachment

  • Loading attachment...