Nimin tlai khan SP Conference Hall, Lunglei ah Lunglei District Police Sammelan DGP Mizoram Pu SBK Singh IPS, hova hman a ni. He hunah hian Lunglei DEF, Hnahthial DEF leh 2Bn MAP te an tel ani.

Sammelan hi Pu C. Lalthanmawia, SP, Lunglei in kaihruaiin Lunglei District Police  in harsatna an tawh te thlenin Police quarter hlui tawh te a thar a thlak sak te, Motor hlui tawh te a thar a thlak sak bakah Police uniform hrang hrang - pheikhawk, kawr leh kawnghren etc thar an mamawh thu a thlen a ni.

DGP chuan Mizoram Police in hmalakna  leh hmasawnna tur tam tak an neih thu Mizoram Police a zawm hnuin a hriat thu a sawi a. Hemi chungchangah hian Mizoram Chief Minister leh Home Minister te bia in, an  hmalaknain Sawrkar laipui Home Ministry ah vaibelchhia 400 DPR thehluh anih tawh thu a tarlang a. He an dilna hi a hlawhtlin chuan harsatna an tawh mek te sutkian theih a rin thu a sawi. Mizoram Police hnathawkte tana hmalakna kal mek dangte pawh sawilangin District tina Medical Supt. leh SP te hmalakna in Police te hriselna endik anih tur thu a sawi a. Police zinga ruihtheih thil avanga harsatna nei te tan March thla 2020 atangin PTS ah training neih tir theih ani ang a ti bawk. Police kalkhawmte chu Discipline ngai pawimawh theuh tura chahin, office ah te, duty na ah te discipline tha vawng nunga, thil tha tih tum turin a fuih a. Mizoram Police hming  ti tha tura tan la theuh turin a chah bawk a ni.