Vawiin chawhma hian MJA Serchhip District hruaitu thlan tharten Pu K. Saitluanga, MIS, District Information & Public Relations Officer chu a pisa ah an kawm.

Pu K. Saitluanga chuan hruaitu thlan tharte chu duhsakna a hlan a, thuthar thehdarh mai piah lamah district mipuite hmasawnna leh nun kawng dik kawh hmuha kaihruaitu ni zel turin a ngen a ni. SEDP hnuaia project site visit, district chhunga kalpui tur te sawi pui nghalin February hapta hnihna hun remchangah PMGSY hmanga district chhunga hmalakna hrang hrang te tlawh tura ruahmanna te an siam nghal a ni.

Serchhip district MJA hruaitu thlan thar te hi President ah Pu Kapliana Pachuau, Serchhip Times, Vice President Pu C. Ramengmawia, Lamkal, Treasurer ah Pu R. Lalmuansanga, New Editor Serkhawpui, General Secretary ah Pu T. Biakchamliana, Lalrodigital leh Secretary ah Pu RL Hlupuia, Lalrodigital te an ni.