1120//2023-2024

Lunglei the 13th July, 2023 – Thisen tlakchham (anaemia) laka mipuite venna kawnga District a thuneitu Lunglei District Steering Committee on Anaemia Mukt Bharat chu nimin khan an Chairman Lunglei DC Pi Ramdinliani,IAS kaihhruaiin a office chamber-ah an thukhawm.

Meeting ah hian H&FW, Social Welfare, I&PR, UD&PA leh School Education Department officials-te an tel a ni.

Member Secretary Dr Lalrinthangi SMO Lunglei chuan Anaemia Mukt Bharat chu Sawrkar Laipui hmalakna pawimawh tak anih thu sawiin thisen tlakchhamna laka mipuiten harsatna an neih lohnan Iron & Folic Acid damdawi chi hrang hrang a thlawna sem thin anih thu a sawi a. Tun dinhmunah Lunglei District-ah thisen tlakchhamna nasa tak (severe anaemia) vei anla hmuhchhuah loh thu sawiin mild anaemia vei mi engemawzat an hmuhchhuah thu a sawi a. Mipuite chu ei leh in ti tha a, iron and folic acid damdawi ei te ngai pawimawh turin a chah a. Iron & Folic Acid damdawi ei hnuah pum na leh awm nawm loh phah complain a awm fo thin chu he damdawi ei dan phun hriatchian tawkloh vang anih thu sawiin iron and folic acid hi thil ei zawh, pum ruah loh laia ei tur anih thu a sawi a ni.

Iron and folic acid damdawite hi Anganwadi leh school hrang hrang kaltlanga sem thin tur niin a duh apiang chuan mahni school, anganwadi emaw sub centre ah te a thlawnin a lak thin theih a ni. Naupang thla 6 atanga kum 19 thleng, nu nau pai, nu nau hnute pe lai leh women of reproductive age te he scheme hian a huam a ni.