Vawiin chawhma khan Lunglawn Mual ah Pu S.Laldingliana, Vice Chairman, HPC Lunglei in Lunglei District Secondary School Games 2016 chu khuallian ni in a hawng.

Khuallian chuan thu sawi in Lunglei hian Sports ah hmasawnna tam tak kan nei a, hriselna tha kan neih hian zirna ah hma kan sawn thin a, hrisel hi tur chuan infiammi nih a ngai a ni a ti. Tunlai ah thiamna chung chuang nei tan lo chuan eizawnna tha hmuh a har a, chuvangin taihmakna leh tumruhna nen kan talent phochhuah a eizawnna tlak sports a kan neih theih nan tan kan lak a ngai ani a ti. Lunglawn mual diak tak a zirlai te sports nei tur chu a lainat a, nakum ah Lunglawn mual a sports an neih leh hun ah chuan chei that a ni anga, a diak tawh lovang a ti.

He Secondary School Games ah hian Lunglei khaw chhung atangin School 31 leh khaw pawn atangin school 6 an tel a ni. Inkhawm hi Pu Lawmzuala, Headmaster, Gov't Leitlangpui High School in a kaihruai a ni.