Vawiin khan Mamit District High School Sport 2016, GSA Playground Mamit-a Dt 13-16 sept, 2016 chhunga neih tur ah Pu K. Lalthawmmawia Director, School Education, chuan Rilru Hrisel nei tur chuan kan taksa hi a hrisel a ngai a ni, tiin District Sport hawnna ah khuallian nia hmanpuiin hawnna thu a sawi.

Pu K. Lalthawmmawia chuan Mamit District chhunga infiamna-a tel tur zawng zawngte duhsakna chibai a buk a, Engvangin nge District Sport buatsaih a nih? kan tih chuan, nitina kan lehkha zirte thiam tak ni tur chuan rilru hrisel kan neih a ngaia, rilru hrisel nei tur chuan kan taksa a hrisel that a ngai a ni tiin, chumi nei tur chuan infiamna hi kan ngaihpawimawh a ngai a ni a ti. Infiammi naupang kalkhawmte chu District level maia duhtawk lovin State level leh International level thlenga kal chho zel tura tan la tura chahin, Kan nitin lehkha zirna ngawr ngawr bakah hian infiamna chi hrang hrang hmangin, hlawhtlinna duhawm tak tak leh sum tam tak hlawhchhuahna a awm a, chumi hlawhchhuak thei tur erawh chuan chhelna, taimakna, ruihtheih thil laka fihlim nih angai a ni tiin rilru thinghlim tak pu chunga infiamna chi hrang hrang hmachhawn turin District chhung khaw hrang hrang atanga kalkhawm naupangte a fuih a ni.

Mamit District Secondary School Sport, 2016 ah hian School 25 telin District chhung khaw hrang hrang atangin School 19 leh Mamit khawchhunga School paruk a tangin infiamna chi hrang hrang hmangin in elna neih ani ang.