Nimin khan Lunglei DC's Conference Hall ah Lunglei District Task Force For Immunization, IAS Deputy Commissioner Lunglei kaihhruaina in an thu khawm.

Tun thla ni 1 a neih tur Mission Indradhanush kalpui dantur leh April 2015 atang a January 2016 a 1st leh 2nd phase hmalakna te thlir ho a ni a. April ni 25 a Zenghri danna pek beihpui thlak (National Switch Day) hman dantur te sawi hona neih ani. Dr.Lalparmawii. Dist Immunization Officer Lunglei District in Mission Indradhanush hmalakna 1st leh 2nd Phase te tar lang in April 2015 atang a January 2016 ah Lunglei District ah naupang 1323 te hnen ah vaccine pek an ni a, naupang 175 te hnen ah vaccine pek kim an ni a, nu nau pai 127 te hnen ah vaccine pek an ni bawk. Mission Indradhanush 3rd phase round hi April ni 7 atang a pek leh tur a tih ani.

Lunglei District hi Mission Indradhanush ah hmalakna a tha a, amaherawh chu Tlabung SDH leh Bunghmun PHC ah te hmalakna tur a awm thu a sawi. Zenghri venna pek beihpui thlak hi April ni 25 atangin Khawvel pum ah a huhova hma la a kalpui tur ani ati.