Vawiin khan Lunglei District Level Vigilance & Monitoring Committee chu an Chairman Pu C.L.RUala, MP(LS) leh Co-Chairman Pu Ronald Sapa Tlau, MP(RS) hovin Lunglei Circuit House Conference Hall-ah an thukhawm a; he meeting-ah hian Parliamentary Secretary leh Lunglei East Bialtu MLA ni bawk Pu Joseph Lalhimpuia leh Lunglei West Bialtu MLA Pu Chalrosanga Ralte pawh an tel a ni. Vawiina meeting-ah hian Ministry of Rural Development hnuaia scheme hrang hrang - MGNREGA, IAY, IWMP, PMGSY, NSAP, NRDWP, NBA, RGVY leh National health Scheme kalpui mekah hma lak tawhnate thlirho a ni.

Kum 2014-2015 chhungin Central Scheme hrang hrang hnuaia hmalakna tlangpui chu a hnuaia mi ang hi a ni :

MGNREGA Scheme hnuaiah hian Central atangin Cheng nuai 1263.5 hmuh a ni a, heng sum hmang hian mipui tan ni 14 inhlawhna siam a ni tawh a ni. GNREGA hnuaiah hian ulberry Plantation, Land Development (Terracing), Plantation, Rural Connectivity, Playground, Water Harvesting Tank, Farm Pond leh Rural Sanitation hnuaiahhnathawh tur tuk sa zaa 85% chu thawh zawh a ni tawh a, mipui inhlawhna tur sum hi dawn leh thuai beisei a ni bawk.

IAY Scheme hnuaiah hian Central atangin thingtlang mirethei In sakna tur leh Administration Fund atan Cheng nuai 124.254 huh tawh a ni a, heng sumte hi mirethei 159 insak tanpui nan BDO-te hnenah pek a ni.

IWMP Scheme hnuaiah hian State atangin Cheng nuai 67.352 hmuh tawh a ni a, Lunglei District-0ah Project 14 kalpui mek a ni a. heng Project-te hi PIA hrang hrang Soil & Water Conservation, Horticulture, BDO leh AMFU ten an enkawl mek a ni. National Social Assistance Programme hnuaiah hian Cheng nuai 259.022 dawn tawh a ni a, tun dinhmunah Lunglei District-ah IGNOAPS-5227, IGNWPS-323, IGNDPS-129, NFBS-127 hnenah chhawmdawlna pek mek a ni.

PMGSY hnuaiah hian kawng 11 siam mek a ni a, chungte chu -1) Khawhri-Chawngtui, 2) R.Mat-Lungmawi, 3) Serhuan-Lamthai, 4)Leite-S.Mualthuam(pavement), 5) Haulawng-Bualpui ‘V’, 6)Tuichawng-Matisura, 7) Tlbung-Diblibagh, 8) Mauzam-Puankhai, 9) S.Vanlaiphai-Mualianpui(pavement), 10)Tawipui ‘N’-Mualcheng ‘S’, 11)Thingfal-Mamte.

Heng bakah hian Ministry of Tribal Affairs hnuaiah Social Welfare Department-in a enkawl mek ‘Vocational Training Centre’ leh ‘Eklavya Model Residential School’ bakah Health Department hnuaia National Health Mission hmalaknate sawiho a ni.