Lunglei District Vision 2023 buatsaih tur chungchangah vawiin khan Synod Conference Hall Lunglei-ah Workshop neih a ni. Workshop hi Dr.Lalrinchhana Chief Plannig Officer HPC in a kaihruaia, HPC Vice Chairman Pu.Joseph.Lalhimpuia chuan kalkhawm te lawmna thu sawiin, hetianga District Vision buatsaih hi India ramah a vawikhatna tur a ni a ti a, HPC Lunglei chuan Chairman Chief Minister Pu.Lal Thanhawla kaihruaina hnuaiah kum 4 chhung hian Lunglei District-ah hmasawnna tamtak a thlen tawh bakah hmachhawp kalpui mek thahnem tak a neih thu a tarlang a ni. He hun hmanpuitu Pu.Lalkhama Vice Chairman State Planning Board pawhin thu sawiin, High Powered Committee Lunglei in hetiang Workshop tangkai tak tur a buatsaih theih chu fakawm a tih thu sawiin, Lunglei District Vision 2023 avangin Lunglei Dist chuan hmelthar a hmuh ngei a beisei thu a sawi.

Workshop ah hian Pu.Lalchhuanawma Hrahsel Dy.Adviser. State Planning Board leh Pu.C.Zairemthanga ten Lunglei District Vison 2023 atana thil pawimawh tur Paper Present an buatsaih zirho a ni a, sawihona hun hman a ni. He hun hmanna ah hian State Planning Board Member Secretary Pu. Haukhum Hauzel pawh telin thu sawina hun a hmang bawk.