Nithum chhung awh tur Second Cadet & Sub Junior Mizoram Table Tennis Tournament chu vawiin chawhnu dar 1:00 khan HPC Lunglei Vice Chairman Pu.Joseph.Lalhimpuia'n a hawng.

Hawnna inkhawm Lunglei Indoor Stadium-a neih hi LDTTA President Pu Lalliantluanga'n a kaihruaia, Khuallian Pu.Mahima chuan thu sawiin, Mizo zingah Table Tennis khel kan la tam lutuk lova chuvangin tih takzeta ti tan chuan lansarh a harlo a ni, a ti. Kan anpui China leh Korea ten an thiam em em chuan keini mizo naupangte pawh hian ruihtheih thil, zuk leh hmuam laka kan fihlima mahni inthununna leh insum theihna nen theihtawp kan chhuah phawt chuan India ram leh khawvelah hian kan lang ve thei a ni tih rilru i pu ang u, Pu.Mahima chuan a ti bawk. Hawnna inkhawmah hian Mizoram Table Tennis Association President leh Jt.Secretary ten an telpuia Mizoram hmun hrang hrang atangin Players 7 an tel a ni.