Vawiin chawhma dar 11:00 khan Lunglei East Cluster hnuaia chhungkaw 182 te hnenah NLUP Industry thlangtute hnenah tanpuina sem a ni. NLUP semna inkhawm Arts & Culture Auditorium a neih ah hian khuallian HPC Vice Chairman Pu Joseph Lalhimpuia a ni.

Pu Joseph Lalhimpuia chuan thusawiin, tuna Mizoram sawrkar chu kuthnathawktute puala budget dah hmasa bertu a ni tiin, sawrkar chu mipuite ta a nih angin, mi harsa zawk leh chanhai te chawikan nan sawrkarin NLUP a ruahman a ni. Mahni department hnuai a mite hmalakna theuh ngun takin an enfiah vek anga, hmala thalo te chu sum pek chhunzawm an ni dawn lo a ni tiin, hmalak that loh avanga harsatna tawkte tan sawipuitu tumah an awm dawn lo a ni a ti bawk. Hetiang a nih avang hian kan sum dawn te a nihna tur ang takah hmang tangkai ila chhungkaw dinchhuahpui nan leh sawrkar ruahmanna ti hlawhtling turin theihtawp i chhuah ang u a ti.

Vawiin a NLUP dawngtu chhungkaw 182 te hi Industries hnuai atanga trade thlangtute niin, 1st Instalment atan an trade a zirin cheng sing 2 leh singkhat sangthum te pek an ni a,a vaiin nuai 34 singkhat sanghnih leh zaruk khuallian hian a sem nghal a ni.

Hemi puala inkhawm hi Addl.D.C Pu F.J Liantluanga\'n a kaihruaia.NLUP semna hun hman zawh a nih hian chawhnu lamah Pu H.Thangmawia General Manager DIC Lunglei kaihhruaina in NLUP dawngtute hi training pek chhunzawm nghal an ni bawk.