Vawiin chawhma dar 10:00 khan Deputy Commissioner Office, Saih District sponsor na hnuaiah Government Saiha College a Internal Quality Assurance Cell (IQAC) ten Socio-Economic Development of Saiha thupui-ah hmangin seminar an nei.

Mizorama a vawikhatna atan he seminar hi Video Conferencing-in State Planning Board, Vice Chairman, Pu Lalkhama, Principal Secretary ; District Council Affairs, Pu Chakravarty leh Consultant State Planning Board, Pu Anil Agastry, Secretary to CM, Pu Lalramthanga, Press Secretar to CM Pu L.R. Sailo ten Aizawl atangin an chhim ve a ni. Pu Lalkhama chuan thu sawiin, Socio-Economic Development atana sorkar official ten an rilru a an hriattur pawimawh ber te chu : 1) Hmangaihna, khawngaihna leh thahnemngaihna nen a hnathawh, 2) Hmathlir leh Ngaihtuahna thar hman thiam 3) Kan thil neih sa te tangkai thei ang bera hman dan thiam, 4) Kan hnathawh tur a zira thiamna leh hmanrua chawkluh thiam 5) Kan hnathawh saktur mipuite sukthlek hria a, mipuite rilrem zawnga thawhhona tha neih pui te hi a ni a ti.

He seminar a khuallian Pu Kunal, IAS Deputy Commissioner, Saiha District pawhin Power Presentation hmangin Saiha District Development Profile entirna leh sawizauna hun a hmang a. Aizawl lam atanga seminar lo chhimtute pawhin bengvar thlak an tiin, hetiang seminar ruahmanna chang an hria chu a buatsaihtute an fak hle a ni.

He seminar ah hian Resource person 7 te Paper present ngaihthlaka zirho a ni a chungte chu : 1) Sixth scheduled to Indian Constitution : with Special Reference to Saiha District by Pu Laldinpuia Tlau, Judicial Magistrate, Saiha District Saiha. 2) Introduction and Present Status of Education in Saiha District - by Dr. D. Eliyas, Associate Professor, Govt. Saiha College 3) Role of Health Department in Public Health Care by Dr. Lalnunziri, Medical Officer, Saiha 4) Role of District Administration in Saiha District by Pu H. Lalhmingthanga, Election Officer/ SDO (S) Saiha 5) Socio-Economic Development of Saiha District by A. Sundaram, Associated Professor, Government Saiha College 6) Role of District Council in Local Administration in Saiha District by Pu Beimosa Azyu, ALAO, MADC 7) Impact of Social Change in Saiha District by Dr. Chawngkhuma Chawngthu, Associate Professor, Govt. Saiha College te an ni.

He seminar hi session 3 a then a ni a, Session I na leh Session 2 na chu Paper presentation hun a hman a ni. Session thumna erawh chu Dr. R. Hmingthanzuala, Associate Professor, Govt. Saiha Collge kaihhruaina hnuaiah sawihona huna hman a ni.

Seminar ah hian Head of Office te, tlawmngai pawl hrang hrang hruaitute kohhran hruaitute, Chanchinbu mite leh khawtlang hruaitute an tel kim hle a ni. Nula Miriam L. Colney leh Nula R. Lalhnehpuii, Lecturer, Govt. Saiha College in kalkhawmte lawmna thu a sawi a. Pu N. Chakhai, Project Director, DRDA in vote of thanks sawiin seminar hi a khar ta a ni.

Attachment

  • Loading attachment...