Lungle iGovt. Electric Veng Primary School -II Building thar chu tukin zing dar 9:30 khan HPC Vice Chairman Pu JosephLalhimpuia\'n a hawng.

Hawnna inkhawm hi Pu R.Lalrinzuala Teacher in a kaihruaia, School Building hawngtu HPC Vice Chairman chuan thu sawiin, Electric Veng Primary School -II in building thar tha tak a neih theihna tur a vengchhung tlawmngai pawl hrang hrang te leh mipuite in pekna leh thawhhona chu fakawm a tih thu sawiin, V.C ten veng tana an thahnemngaihna zawng zawng pawh fak tlak nia a hriat thu a sawi. He school a thawktu Zirtirtute pawhin Building thar neih mai duhtawk lovin, naupang te theihtawp chhuah a zirtir hi sawrkar leh Pathian laka kan bat a ni tih hria se a duh thu a sawi bawk.

Electric veng Primary School – II hi kum 1996 a din niin, school hmunhma an neih loh avangin School Building chhe tak hnuaiah hun rei tak kalpui a lo ni tawh a, tunah hian a hmun leina tur bialtu MLA Pu Joseph Lalhimpuia chuan Rs. 3,00,000/- ngaihtuah sakin, V.C ten Rs. 1,00,000/- an ngaihtuah bawka, hemi bakah hian School a thawktuten Rs. 50,000/- thawh bawkin a hmun hi Rs. 4,50,000/- in mimal ram an lei ta a ni. Hetia a hmun an neih hnu hian bialtu MLA hmalakna in Lok Sabha M.P Pu C.L Ruala chuan M.P Fund atangin Rs. 2,50,000/- school building sak nan a pe veleh a, hemi sum hmang hian school a thawktu zirtirtute leh V.C ten a hmun laihzawl leh building sak hna hi an thawk a, building len zawng hi a dung ft.36, a vang ft.15 a ni.