Vawiin chawhnu khan Thingfal Community Hall-ah Horticulture Department, Thingfal Circle hnuaia NLUP 3rd & 4th Phase 2nd installment chu Lunglei HPC Vice Chairman Pu S. Laldingliana’n a sem.

Pu S. Laldingliana chuan a bial chhunga Horticulture Department in NLUP 3rd & 4th Phase 2nd installment sem a ni chu lawmawm tiin, Mizoram sawrkar in mi rethei, mi harsate khaichhuah nan NLUP hmangin tanpuina a sem a, Zoram dung leh vangah NLUP tanpuina hmang in mi thahnem takin an dinchhuah pui a ni, a ti a. NLUP tanpuina dawngtute chu thinlung taka dawnga, taimakna leh tih tak takna nena kalpui turin a chah a. Sawrkarin a tih tur a tih angin, a hlawhtlinna chu tanpuina dawngtute mawhphurhna a ni, a ti.

NLUP dawng tawh vanduaina avanga chhunzawm theilote tan New Economic Development Policy-ah sawrkar in cheng vaibelchhe 250 a dah a, hemi atang hian tanpui tlakte chu tanpui an nih tur thu a sawi. Pu S. Laldingliana hian Thingfal khawtlang hman atan PA set pakhat a pe nghal a ni.

NLUP semna inkhawm hi Pu C. Lalremsiama, MHS, Assisstant Divisional Horticulture Officer, Lunglei in a kaihruai a. NLUP tanpuina dawngtute hi chhungkaw 172, serthlum leh lakhuihthei trade thlangtu te an ni a, cheng nuai 10 sem an ni.