1751/2026-2027

Lunglei, 2026 Thlazing ni 12: Lunglei High Powered Committee (HPC) Vice Chairman, Lunglei North bialtu MLA Pu V. Malsawmtluanga chuan tun hnaia vanduaithlak taka mi kut tuara boral, Mualṭhuam North tleirawl kum 15 mi, H. Lalramdinpuii chu vawiin khan Mualṭhuam North-a an chenna inah ralin, a chhungte tuarpuina a hlan.

Pu V. Malsawmtluanga chuan Nl. H. Lalramdinpuii ralna atan pawisa fai ₹10,000/- chu a chhungte kutah a hlan a. Nl. H. Lalramdinpuii tual thihna chu pawi a ti tak zet tih sawiin, tual thattu chu a rang thei ang bera zawn chhuah a nih theih nan theih tawp a chhuah tur thu a sawi. 

Pu V. Malsawmtluanga chuan Nl. H. Lalramdinpuii hriat reng nan leh nunau leh hmeichhiate himna atan Mualṭhuam North-ah "H. Lalramdinpuii Security" project kalpui nghal a nih tur thu a sawi a. He project kal tlang hian Mualṭhuam North hmun pawimawh hrang hrangah tuallai thlithlaina, CCTV (closed-circuit television) ṭha chi bun a nih tur thu leh hmun thim leh ralmuang lo deuh laiahte a rang thei ang berin tual khawnvar, solar light ṭha dah a nih tur thu a sawi a. Mipuite himna atan theih tawp chhuaha hma lak zel a nih tur thu sawiin, nunaute chu hlau thlabara awm tawh lo turin a chah.