1750/2026-2027

Lunglei, 2026 Thlazing ni 12: Vawiin khan Bharat Scouts & Guides (BSG), District Council, Lunglei District chu Sports & Youth Office, Lungleiah an ṭhu khawm a. Ṭhut khawm hi Lunglei District BSG Vice President, Lunglei Municipal Council (LMC) Chairman Pu Lalzuithanga'n a kaihruai.

He hunah hian member thar lawm luhna (investiture) hun hman a ni a. Scout Section-ah Vice President Pu Lalzuithanga'n member tharte lawm lutin, Guide Section-ah Vice President Pi Nikungi'n a lawm lut thung. Member thar lawm luhte chu:

1. Pu Lalremruata Zadeng – Assistant District Commissioner (Scout)

2. Pu V. Zoremtluanga, Sub-Divisional Education Officer (South) – District Commissioner (Scout)

3. Pi Lalnunhlui, SDEO (North) – District Commissioner (Guide)

BSG District Council Lunglei ṭhu khawm chuan Scouts & Guides te tana Tritiya Sopan Training & Testing Camp buatsaih leh Rovers & Rangers Commissioner leh Unit Leader-te tana Combined Expedition buatsaih an rel a. Scout Master leh Scout Captain-te tan Beginner Course buatsaih ni se tiin, faina hnatlang (Cleanliness Drive) buatsaih an rel bawk.