3363/2024-2025

2024 Pawltlak thla ni 4: Vawiin khan Lunglei High Powered Committee (HPC) Vice Chairman & Lunglei North bialtu MLA Pu V. Malsawmtluanga chuan a bial chhung Pangzawlah Pangzawl Zone Football Association buatsaih MLA Running Trophy football tournament final chu Khuallian niin a hmanpui.

Pangzawl GSA Playground No. 1-a MLA Running Trophy final a hmanpuinaah Pu V. Malsawmtluanga chuan Pangzawl Zone leh Vanva Zone te tan kum tin MLA Trophy buatsaih a nih tur thu a sawi a. Infiam mite chu football hi ei zawnna tlak a ni tih hre reng a, tum ruhna, mahni inthununna leh insum theihna nen theih tawp chhuaha bei turin a fuih a ni.

Pangzawl Zone FA MLA Running Trophy Under 12 final-ah Keltan FC chuan Ramrikawn FC chu 3-0-a hnehin an champion a. Lalsiamliana, Keltan FC chu Best Player-ah thlan a ni.

Senior final-ah hun pangngaiah FC Rawpui leh Ramrikawn FC te 2-2-a inhneh tawkin, penalty shootout-ah FC Rawpui chu 6-5-a chakin an champion a. Lalruatdika, Ramrikawn FC chu Best Player-ah thlan niin, Top Scorer Anthony Lalrawngbawla, FC Rawpui leh Best Goalkeeper KL Hmingthanga, FC Rawpui te an ni.