Kar kalta Inrinni ni 11.7.2015 khan Lunglei District Swacch Bharat Mission hmalakna bawhzuiin Addl DC Pu H.Lianzela hovin District Urban Development Officer Pu Albert Vanlalliantluanga leh DI&PRO Pi Mina Zoliani bakah UD&PA Department staff ten Lunglei khawchhung bawlhhlawh paihna leh sawngbawlna tur hmun te, Riangvaite Thlanmual leh ek paihna hmun ‘oxidation pond’ siamna tur a hmunah kalin an enfiah.

1. SOLID WASTE MANAGEMENT CENTRE, LUNGLEI : tur atan hian Pu P.Lalhmangaihzuala, Ramthar Veng, Lunglei-in ram 20904 sqm/ 20.89 hectare chu kum 2011 khan UD&PA Deaprtment hnenah a pe a. Kum 2011-2012 chhung khan HPC Fund atangin Rs.8 lakhs hmuh a ni a, he sum hmang hian a hmun sam fai te, kawnglaih te, retaining wall siam te bakah drain siam hna te thawh tawh a ni a. Kawngpui atanga 170m vela hla a ni. Tun dinhmunah hian hman theih chiah a la ni lova, a chhan chu develop ngai tam tak a la awm a, sum a la awm loh avangin hnathawh tur tam takte hi la thawh theih loh a ni. Tuna bawlhhlawh paihna lai Melsarihkawn hi 19kms laia hla a ni a, kawng a chhiahin a hla hle a, garbage truck-te pawh chhe duhin POL pawh a heh hle thin a ni. Solid Waste Management Centre hi peihfel a nih hunah chuan khawpui chhung hmun tam tak bawlhhlawh la khawn lohna te pawh khawn theih beisei a ni.

2. RIANGVAITE THLANMUAL (Common Graveyard) : ram hi LAD hnuaia a la awm laia neih tawh a ni a, UD&PA department a awm hran thlengin he ram hi chhawmchhoh a ni a. A ram zau zawng hi 219.80 hectares a ni. Kum 2012 khan District Innovation Fund atangin Riangvaite Thlanmual chei that nan Rs.4.01 lakhs hmuh a ni a, thlanmual In sak nan te, gate siam nan te leh a hmun samfai nan te, thlan lane siam nan terrace laih nan hman a ni. Riangvaite Thlanmual-ah hian tun thlengin ruang 55 phum tawh a ni a, he hmun panna kawng hi kuccha road a la ni a, hei hi RCC Paved Road-in siam tum a ni. A hmun humhalh nan fencing te, side leh cross drain te, guard rail siam leh turning point laihzauh hna thawh tur a la awm a ni.

3. OXIDATION POND AT CHHUMLIAMKAWN : hi kum 2011 khan proposal siam niin Rs.5 lakh hmangin tha taka siam a ni a. Amaherawhchu, a bul hnaiah Bethel Centre-a awmte chuan tho leh rimchhia awm thin avangin an sawisel a, tunah rih chuan bawlhhlawh hi Hauruang piah Melsarihkawn-ah paih a ni a. Oxidation Pond cheithat leh siamthat nan ek paih thinte tan chawlhna tur Waiting Shed siamsak tum a ni a, an hman tur tui dahkhawlna pawh siam sak tum a ni.