Information & Public Relation Dept. buatsaih NEDP hnuaia MJA te District dang tlawh programme chu MJA Lunglei District ten hmangin Champhai tlawh turin vawiin khan an chhuak. Lunglei MJA zinturte hi an President Pu H. Lalthansanga hovin mi 9 an ni a. Lunglei DIPRO Pi C. Lalremruatin a hruai a ni.

Tun tuma Lunglei MJA zinte hi tukin khan Lunglei SP Office kawt atangin an chhuak a, an kal pah hian Biate khuaah khawtlang hruaitute nen inkawmna hun tawi an nei a, Biate khuaa Thingpuife siamna hmun an tlawh bawk a ni. MJA Lunglei District te hi Khawbungah riakin, naktuk hian khawbung leh a chhehvel a hmun pawimawh an tlawh kual dawn a, hemi tlai vek hian Champhaiah riak lutin a tuk zirtawpniah Rihdil leh Champhai leh a chhehvela hmun pawimawh leh sawrkar hmalakna hrang hrang an tlawh leh dawn a, Inrinniah Lunglei panin an let leh dawn a ni.