2326/2024-2025

2024 Khuangchawi thla ni 1: Lunglei Municipal Council (LMC) Board of Councillors chu vawiin khan an Chairman, Pu Lalzuithanga kaihhruaiin BOC Hall, Convention Centre, Lungleiah an ṭhu khawm.

LMC BoC ṭhu khawm chuan Property Tax chungchang an sawi ho va. Sawrkar dan ding laiin a ruahman sa 3.42% floor rate chu pawm tlangin, sawrkarah Gazetted Notification tura thawn ni se, an ti a. Age factor hnuaia ram ruakte chu Land Revenue & Settlement Department-in chhiah an lak avangin telh loh ni se, an ti bawk.

Vawk leh ar vulh dan tur, mi dang tana hnawksak lo tura ruahmanna siam chu ennawn lehin, BoC ṭhut khawm lehpekah thu tlukna siam ni se, an ti a. Hei bakah hian LMC hnuaia hna thawh chungchanga chak leh felfai zawka hma lak a nih theih nana ruahmannate an sawi ho bawk.

Vawiina LMC Board of Councillors ṭhut khawm hi Lunglei High Powered Committee (HPC) Vice Chairman Pu V. Malsawmtluanga MLA bakah, LMC Chief Executive Officer Pu Donny Lalruatsanga leh LMC Secretary Pu Lalrinawma te'n an telpui a ni.