3911/2022-2023

Lunglei the 21st March' 2023: Lunglei Municipal Council (LMC) Election 2023 atana vote chhiar chungchanga mawhphurna neitute Counting Supervisor, Counting Assistant leh Additional Counting Assistant te pualin vawiin khan Convention Centre Hall, Lunglei ah training neih a ni. He hun hi Pi Ramdinliani, IAS, Lunglei District Municipal Election Officer leh Deputy Commissioner ni bawk chuan a hman pui.

LMC Election Vote chiar dan training inkhawm hi Pi C. Lalduhzuali, Election Officer, Lunglei chuan kaihruaiin Pi Ramdinliani chuan India ram chu Dan leh thupek chipchiar tamna leh felfai berte zing ami, khawvel ram hrang hrang pawh ina an lo zirchian thinna ram a ni a. India khua leh tui kan nih angin Election kaihhnawiha kan tel hi a huphurh awm lova, lawmawm ah ngaih tur a ni, a ti. Election duty hi sorkar hnathawk tan chuan hna ropui tak leh experience neih na tha a nih thu sawiin kum tawp ah Mizoram Legislative Assembly inthlan kan neih na tur atan pawh lo inzir lawkna tha tak a nih thu a sawi bawk. LMC Election a chanvo pawimawh tak kan nei hi hlenchhuak a, counting felfai leh tha tak kalpui thei tura theihtawp chhuah theuh turin training a tel zawng zawng te a chah a ni.

Pu Vanlalrova, Secretary, Lunglei Municipal Council, Lunglei leh Master Trainer ni bawk chuan vote chhiar dan tur chungchang training a pe a, LMC Election hi 29th, March 2023 ah neih tur niin 3rd April 2023 ah vote chhiar tur a ni. Saikuti Hall, Ground Floor ah Counting Hall siam a ni ang a, Counting Hall - I ah Table 12 dahin Ward No. I,II,III,IV, V te vote chhiar a ni ang. Counting Hall - II ah table 12 dahin Ward VI, VII,VIII,IX,X,XI te vote chhiar a ni ang. Vote chhiar ni hian Postal Ballot chhiar hmasak a ni ang a, chumi hnu ah EVM chhiar tur a ni.

LMC Election a vote chhiar tur training te hi Counting Supervisor 30, Counting Assistant 60 leh Additional Counting Assistant 30 te an ni.