Nimin ni 9.10.2015 (Zirtawpni) khan Superintendent of Police, Lunglei District hmalaknain Lunglei khawchhunga thalaite leh sikul 2 - Baptist HSS leh Leitlangpui HSS - zirlaite tan Saikuti Hall-ah ‘Career Guidance-cum-Awareness Programme on Entry into Indian Army/Para Military’ buatsaih a ni a. Awareness Programme hi Lunglei Addl SP Pu J.Lalmuankima’n a kaihruai a Lunglei SP Pu Zosangliana’n zirlai zawng zawngte leh Assam Rifles atanga officers lo kalte lawmna thu a sawi.

Career Guidance Programme-ah hian 28 Assam Rifles atangin Capt.Ravi Kumar leh Mizoram Police aiawhin Inspr. Ankit Maheshwari ten Indian Army/Para Military peng hrang hranga luhdan an hrilhfiah a. Programme-a tel zirlai leh thalai 250 rual chuan zawhna hrang hrangte zawtin Resource person 2 te hian an chhang a, chhimtuten an hlawkpui hle a. 28 Assam Rifles chuan Saikuti Hall kawtah ralthuam phochhuahna ‘Weapons Display’ an lo buatsaih chu kalkhawm leh mipuite lawm a hlawh hle bawk.