Nimin khan Sangau Vengthar kawn ah IWPM Lawngtlai Project VI hnuai atangin Self Help Group 35 te hnenah bul tanna tur vawkte 140 sem chhuah a ni a, bialtu MLA, Parliamentary Secretary ni bawk, Pu. H. Zothangliana chuan hmanpuiin vawkte te hi a dawngtu turte hnenah a hlan a ni.

Pu H. Zothangliana chuan, tanpuina dawngtute chuan theihtawp chhuaha hlawhtlin pui tum turin a chah a, hnam dang te chuan mimala an tih theihloh hi pawl hova beiin, an thawk hova, an lawhtlin pui thin a ni. India rama thilsiam chhuah tam takte hi Self Help Group atanga bul tana lo ding chhuak ta te an ni, tiin tanpuina dwngtute chu theihtawp chhuah turin a fuih a ni.

Self Help Group pakhatin vawkte pali zel an dawng a, Pangkhua atangin Group 5, S. Vanlaiphai atangin Group 8, Sangau East atangin group 11 leh Sangau West atangin Group 11 ten tanpuina hi an dawng a ni.

Vawkte sem inkhawm hi Pu Vanlaltanpuia, Sangau BDO in a kaihruaia a ni.