Lawngtlai District Superintendent of Police thar Pu Lalsanglura chuan vawiin hian Lawngtlai SP Conference Hall ah Lawngtlaia tlawmngaipawl hrang hrang hruaitute leh chanchinbumite kawmna a nei a, khawtlang venhimna kawnga thil pawimawh nia an hriatte sawihona hun an hmang nghal.

Pu Lalsanglura chuan tlawmngaipawl hrang hrangte thawhpuina tello chuan Police ten tha takin hna kan thawk theilo tih kan hrechianga, chuvang chuan in mi tanpuina kan mamawh a ni, a ti a. Khawtlang venhimna kawngah rawtna emaw mamawh emaw an neih apiang a hnenah thlen thin tura ngenin, an tan engtiklai pawha koh eih theiha a awm reng tur thu a hrilh a ni. Lawngtlai tana thil pawimawh nia tlawmngaipawl hrang hrangte sawite pawh a theih chen chen ngaihtuah nghal a nih tur thu Superintendent of Police thar hian a sawi a ni.

Police te chu engtiklai pawha midangte tanpui reng tura zirtir an nih thu sawiin, mamawh hun apiangah inthlahrung hauh lova ko thin turin a chah bawk.

He inkawm hona hi Pu K L Vulmawia, MPS, Addl SP Lawngtlaiin a kaihruaia, Pu C. Lalengliana, MPS, SDPO Chawngte leh Pu Tlualaisa, MPS, SDPO Lawngtlai ten Superintendent of Police hi an tawiawm bawk a ni.

Inkawm honaah hian chanchinbumite, tawmngaipawl hrang hrang aiawh, heng Central YLA, LWA leh mi dang dang te te an tel a ni.