Vawiin khan I&PR Conference Hall, Mamit-ah RTI week hman a ni.

RTI week hmanna inkhawm hi session hnih a then a ni a. Chawhma session hi Pu Vanlalngaihsaka, Deputy Commissioner,Mamit chuan a kaihruai a. Zirlai te tan "RTI Act hi mipui nawlpui tan a tangkai" tih thupui hmangin leh Sorkar official leh NGO te tan "RTI Act hi tul lova sorkar tihbuaina mai a ni" tih thupui hmangin debate neih a ni a. Category hnih atang hian debator tha ber thlan chhuah an ni a, Zirlai category-ah Lalropuia, 5th semester B.A leh Puitling category-ah Pu Vanlalhmachhuana, SDC te chu best debator a thlan an ni. Chawhma session-ah hian RTI Act chungchangah Quiz mipui kalkhawm te tan buatsaih a ni bawk.

Chawhnu session hi Pi Lalbiaksangi, Addl. DC in a kaihruai a, RTI Act zirhona neih niin, Pi Julie Lalrinzami, Sr. Civil Judge in zirtirna a pe a ni. Zirhonaah hian Department tina SPIO leh SAPIO te, Mamit khawchhunga VC te leh MJA te an tel a, sawihona hun neih a ni bawk