Vawiin khan Lunglei SP's Conference Hall-ah Lunglei District huamchhunga police-te tan ni 2 awh tur 'Training on Collection of Intelligence neih tan a ni a. DIG (Training) thupek anga police-te intuaihriam nana training buatsaih neihah hian police mi 16 an tel a, Lunglei SP Pu Zosangliana, Addl SP Pu J.Lalmuankima leh SDPO Pu B.Laldingngheta ten training hi an hmanpui a ni.

Training hawnnaah Lunglei SP Pu Zosangliana chuan khawvel hmasawnna leh danglam dan mil zelin Police Department pawh intuaithar an mamawh a, vawiinah Lunglei District chhunga police awmte tan Intelligence chungchanga training hun tha tak neih a nih theih chu a lawmawm hle a ni, a ti a. Mipuite rawngbawlna hna an thawhah theihtawp chhuah zel tuin a chah bawk a ni.

Ni 2 awh tur Intelligence Training-ah hian heng thupui hmangin inzirtirna neih a ni ang :

1. Collection of Intelligence

2. Criminal Intelligence

3. Political Parties, NGOs & Pressure Groups

4. Verification / VIP Security

5. Insurgency

6. Arms / Drugs smuggling

7. Interrogation technique

8. Report writing

9. Engagement of sources.