Vawiin khan SP Conference Hall, Lunglei ah Lunglei Police Officer 14 ten ni hnih awh tur 'Special Law Module (Gender Sensitization : Crime against Children & Women)' Training an nei tur chu Lunglei SP Pu Zosangliana in a hawng.

Training hawnna ah thusawiin Pu Zosangliana chuan training hi a tangkaiin a hlawkthlak a, he training pawh hi a bik takin Police Station-a awmte tan a pawimawh hle dawn a ni, a ti. Police ten Case kan chhuite hi a tha tawk em tih hriat a ngai a, practical a an lo tawn tawhte nen sawi ho a pawimawh a, la hre lo te tan a hlawkthlak a, hetiang training hi kuminah vawi ruk (6) neih a ni tawh thu a sawi bawk.

He training-ah hian resource person atan Pu Zosangliana MPS, SP Lunglei; Pu C. Lalhruaia, MPS Co 2Bn MAP, Lunglei; Pu B.Laldingngheta MPS, SDPO Lunglei; Pu Lalchhuanthanga MPS, Dy. Co. 2Bn MAP, Lunglei leh Pu Malsawmdawngliana, AAP Lunglei te hman an ni.