Mizoram Polytechnic Institute, Lunglei-a zirlaite nimin khan sorkar lakah an thil phut chi hrang hrang kar nan lungawilohna an lantir a. Hei Institute tihhmasawn leh changtlun zel nan Mizoram sorkarin theihtawp a chhuah a ni.

Sorkar chuan Sorkar chuan Polytechnic zirlaite Industrial-cum-Study Tour atan cheng nuai 7.20 Planning Department-ah a dil sak mek a. Polytechnic hmun Hrangchalkawn-ah Internet hmuh a harsat avangin practical class neihna turin Lunglei khawpui chhungah Centre-cum-Outlet din nan cheng nuai 5 mamawh chu bawhzui mek a ni. Laboratory-a khawl chi hrang hrang enkawl nan cheng nuai 3.60 leh khawl chi hrang hrang siamthat nan cheng vaibelchhe 2 pawh Sorkar Laipui-ah chak taka bawhzui mek a ni bawk.

Hostel Superintendent tur hmeichhia leh mipa lak rawtna chungchangah pawh sorkarin pakhat lak phal tawhin a dang lakna tur pawh department-in a la mek. Polytechnic building cheithat nan cheng vaibelchhe 24.49 leh zirlaite mamawh tak Bus 2 leina tur pawh Sorkar Laipui-ah dil mek a ni. Girls Hostel sak nan cheng nuai 90 pawh dawn a ni tawh bawk.