No.3209/2021-2022

Aizawl the 30th November, 2021: Tourist Lodge Lungleia RT-PCR Laboratory ruahman mek chungchang sawiho turin vawiin chawhnu khan Sub Hqrs YMA Conference Hall-ah meeting neih a ni. NHM Mission Director Dr Eric Zomawia, Lunglei CMO Dr LC Liana, Medical Superintendent Dr SR Ngurchamliana leh medical thawktu dangte bakah Sub Hqrs YMA Lunglei, MHIP Lunglei leh media mi te an tel a ni.

Vawiin inkawmhona hi Joint NGO Coordination Committee Chairman Pu Lalrotluanga, President Sub Hqrs YMA Lunglei in a kaihruai a ni.

NHM Mission Director Dr Eric Zomawia chuan sawrkar laipui ‘India COVID-19 Emergency Response & Health System Preparedness Package: Phase-II (ECRP-II package)’ kaltlangin Lunglei RT-PCR Laboratory mamawh bungrua leh thil hrang hrang leina atan cheng nuai 30 dawn niin Government e Marketplace (GeM) Portal hmanga online bidding kaltlanga buaipui mek niin hmanraw thenkhat lo thleng tawhin thleng kim thuai tura hmalak a ni thu a tarlang.

Makeshift RT-PCR Laboratory, Tourist Lodge Complex, Zotlang, Lunglei dinna tura hmalak chhunzawmnate heti hian a sawi a ni:

Makeshift RT-PCR Laboratory, Tourist Lodge Complex, Zotlang Lunglei-a dinna tur Office Order No. C.18015/902021-HFW Dt.4.11.2021 thuchhuak angin, Dt. 5th-6th November 2021 chhungin Dr Eric Zomawia, Mission Director, NHM chuan RT-PCR din dan tur hmunhmate enfiahin Lunglei a tlawh a, RT-PCR din dan tur leh hna kal laite enho a nih hnuah a hnuaia tarlan ang hian hmalakna kawng hrang hrangin kalpui a ni-

Laboratory a thawk tur training chungchang: No.A.11011/8/2016-NHM/MSHS/SPMU Dated Aizawl the 7th November 2019 angin Civil Hospital Lunglei-a thawk mek Officer leh Staff te, Viral Research and Diagnostic Laboratory (VRDL) Zoram Medical College(MC), Falkawn Aizawl-a training turin a hnuaia mite hi ruat an ni a, anni hian tluang takin training an zo thei a ni.

1st Batch(9th-13th November 2021)
1. Dr. RSC Vanlalruati, Microbiologist; Civil Hospital Lunglei
2. C.Lalthazuali, Laboratory Technician, Civil Hospital, Lunglei
3. Debbie C.Zozampuii, Laboratory Technician Civil Hospital, Lunglei

2nd Batch(16th-20th November 2021)
1. ZD Lalremruati, M.Sc Microbiologist, Civil Hospital, Lunglei
2. Grace Ramdinpuii, Laboratory Technician, Civil Hospital, Lunglei
3. CR Lalnunpuii, Laboratory Technician, Civil Hospital, Lunglei

Laboratory Mamawh hmanrua lei chungchang: Covid-19 Emergency Response and Health System preparedness Package Phase-II(ECRP-11) in kaihhruaina a siam angin ECRP-II hmalakna hnuaia Laboratory mamawh bungrua leh hmanruate hi Government e-Market place(GeM) portal hmang veka lei tura tih a ni. A hnuaia tarlan ang hian GeM portal ah RT-PCR dinna tura mamawh hrang hrangte bidding ti tura published a ni.

GeM portal a Bid Publish hi Company Ieh Manufacturer thahnem takin an rawn chhang a, specification mil RT-PCR Laboratory hmanruate hi thlan fel tawh niin, tih tur tulte tih fel a ni tawh a, tunah hian kalkawngah an rawn thang mek a ni.

Tin, hmanrua Rs.25,000/- man hnuai lam GeM portal a direct Purchase a lei a phalna a awm angin item pakhat 'Vortex' chu Dt. 17.11.2021 hian GeM portal kal tlangin Direct Purchase a lei a ni. Tin, Rs. 25,000-5,00,000 inkar item mamawh, GeM portal a bid chhang awm zingah a chhang hniam ber Direct purchase a lei theih a nih angin, Deep freezer -80 deg C lei a ni bawk.

Items chi 4 ah, Gem portal a chhangtu an awm loh avang leh GeM portal ah, a man sang uchuak (Overpriced) a awm avangin, Additional Secretary & Mission Director National Health Mission, Ministry of Health & Family Welfare, Government of India hnenah, GeM kal tlang lova lei dilna Letter NO.D.12016/4/2021-NHM/MSHS (SPMU) Dt. 10.11.2021 hmangin thlen a ni a. Letter no. F.No.Z-15015/43/2021-NHM I Dt. 18.11.2021 angin phalna hmuh a ni. Phalna hmuh angin heng Items te – dry bath, plate shaker, -20 mini cooler box leh UPS 10 KVA te hi Local Purchase Committee, Mizoram State Health Society, NHM kal tlangin lei mek an ni.

RT-PCR khawl installation chungchang: RT-PCR bun(install) thuai turin, khawl dealer M/s Mizoram Business Centre, Tuikual North chu biak a nih bakah ziakin Dt 26.11.21 ral hmaa install tir turin hrilhhriat a ni a, Hon'ble Health Minister pawhin a be bawk a. M/s Mizoram Business Centre chuan manufacturer a be pawp nghal a lehkha a thawn bawk a. M/s Mizoram Business Centre neitu pawh NHM office-ah a rawn leng bawk a, Dt 26.11.21 chuan install hman a nih dawn loh thu leh theih tawpa service engineer-te rawn kal vat tura a nawr mek thu a rawn sawi a, remchang hmasa berah rawn tirh a tum thu an rawn hrilh a ni. Installation atan hian a tul chuan ZMC a Microbiologist-te pawh rawn kal an inhuam em em a ni.