No.3771/2021-2022

Aizawl the 22nd January, 2022 : Dr.K.Pachhunga Lunglei South bialtu MLA leh Bamboo Developement Board Vice Chairman ni bawk chuan vawiin chawhnu khan a bial chhunga Myanmar raltlan Camp Thaizawl a tlawh.

Raltlan Camp a tlawhna ah hian raltlante, Thaizawl khawtlang hruaitute, Steering Committee For Myanmar (SCM) Lunglei hruaitute hmaah Dr.K.Pachhunga chuan thu sawiin  India sawrkar angin raltlante ngaihtuah remchang rihlo mahse Mizoram Sawrkar chuan a ngaih thah ngawt theilo a ni tiin, India sawrkar ah tanpuina leh chhawmdawlna dil thin mahila kan hmu theilo a Sawrkarin remchang ang ang a  ngaihtuahna bakah Mizo kan nihna zawna tlawmngaihna in Pawl leh mimal te SCM Lunglei ten nasa taka raltlante an tanpui chu lawmawm a tih thu sawiin, sawrkar pawhin theihtawp a chhuah zel dawn a ni a ti.

Raltlante pawh khawtlang hruaitute duh dan zawm tur leh a mikhualtu ten mikhual tlaka an ngaih  theih tura khawsa tura a duh thu a sawi bawk. Lunglei South bialtu MLA hian raltlante tan hian nitin mamawh eitur chi hrang hrang bakah damdawi leh thil dang an mamawh turte thahnem tak a hlan a ni. Tun dinhmunah Thaizawla raltlan Camp ah hian raltlan mi 560 awmin nizan khan mi pakhat a boral a vawiin khan Thaizawl khaw Thlanmual ah vuiliam a.ni. MLA Dr. Pachhunga hi Party hruatute, Media lam leh Sawrkar Official ten an tawiawm a ni.