No.3803/2021-2022

Aizawl the 25th Jan., 2022: Vawiin khan Dr.K.Pachhunga, MLA, Vice-Chairman, Bamboo Development Board chuan a bial chhung Lunglei South AC a kuthnathawktute zing a buh thar tam te lawmpuina leh chawimawina hun Salem Vengah a hmanpui. Dr.K.Pachhunga, MLA chuan kuthnathawktu hlawhtling mi 3 hnenah lawmpuina citation leh lawmman(1st prize -Scooty, 2nd prize - Fridge, 3rd prize - Washing Machine) a hlan a ni.

Kuthnathawktute chawimawina hun hman hi Pu H.Thangrenga, President MNF Sub-Headquarters, Lunglei in kaihruaiin Dr.K.Pachhunga, MLA chuan a bial chhunga kuthnathawktu te thawhrimna leh taimakna a ngaihsan thu leh an hlawhtlinna a lawmpui tkazet thu sawiin an kal zelna turah theihtawp chhuah pui zel a tum thu a sawi a. Mizoramin buh leh bal kan ei khawp kan thar chhuah loh avangin taimakna leh tei rei peihna nen theihtawp kan chhuah tlan a tul a ni, a ti a. A bial chhunga hmalakna thenkhat te pawh sawilangin Dr K Pachhunga zirna ti hmasawn tura hmalak zel a nih thu leh tui harsat zualna khua 10-ah tui supply tha zawk a awm theih nan solar water pump bun tura hmalak mek a ni, a ti. Buh Thar Tam Te Chawimawina hun buatsaih chuan nghawng tha tak nei tur leh kuthnathawktute chawk phur a, tam zawk tharchhuak tura fuih tu anih ngei a beisei thu a sawi bawk.

Lunglei Additional DC Pu K.Lalrohlua pawhin he lawmna inkhawmah hian thu sawiin, chawimawina dawngtute thahnemngaihna, an taimakna leh lawmman dawng pha an ni chu ropui a tih thu a sawi a. Lunglei South AC in kuthnathawk mite ngaihsaktu bialtu MLA an nei chu lawmawm a ti a, buh leh bal a hlawhtlingte hi chawimawi zel ila, midang pawh an phur anga kan ram chu kan intodelh thei dawn a ni, a ti.

He hunah hian Pu Malsawmkima, District Agriculture Officer leh Pu H.Lalthansanga, President, MJA Lunglei ten thu an sawi a ni.
Buh Thar Tam Te Chawimawina Lawmman dawngtu te chu:

Pakhatna - Pu Zolawma, Upper Lungrang
Tin 1254=Phur 313.5
Scooty

Pahnihna - Pu Lalkawnga, Vairawkai
Tin 1100=Phur 275
Fridge

Pathumna - B.Hrangkhama, Mualcheng South
Tin 928=Phur 232
Washing Machine

Attachment

  • Loading attachment...