No.3804/2021-2022

Aizawl the 25th January ,2022: India ram hmundang te rualin, Siaha-ah pawh 12th National Voters' Day urhsun taka hman a ni. Mahse kumin NVD chu kum danga kan hman thin dan ang lo deuh va hman a ni thung. 

Sawrkar Office tinah  he Voter thutiam( Voter's Pledge) "Keini, India khua leh tui te hian mipui rorelna thuthlung nghet taka vuanin,kan ram inrelbawlna leh inthlanna muanawm, fel fai leh dik tak zahawmna humhim tur te, hlauh nei hauh lo leh  sakhua,chi,hnam, vantlang, tawng leh thildang inthunun tir lova vote thlak turin  ka intiam e" Head of Office theuh te kaihruaina hnuaiah office Staff tin ten an la a. HoO tin ten an staff theuh te hnenah Kum tling tawh tan Vote neih a tul zia te, Vote thlak hi India khua leh tui te tan chuan tih makmawh thil a nihzia zirtirna hun hmangin, an staff theuh te chu an chhungte leh an thenawm khawvengah Vote neih tulzia leh Vote thlak tulzia puangzar ve zel turin an chah hlawm a ni.

NVD-2022 puala inkhawm lian ber chu Pu Kesavan R,IAS hovin VOTE nei thar te nen Badminton Hall,Circuit House-ah hman a ni a. Inkhawm hi Pu Lalbiakfela, Election Officer in kaihruaiin, Voter Thutiam pawh Election officer hian pungkhawm te hnenah a lak tir nghal a ni. Khuallian Pu Kesavan R,IAS District Election Officer chuan thusawina hun a hman zawhah Vote nei thar te hnenah EPIC a sem nghal bawk. NVD-2022 puala inkhawm hi Pu Abraham Beirazi Khithie,Addl.DC in lawmthu sawina in a khar ta a ni.

Attachment

  • Loading attachment...