3408/2024-2025

2024 Pawltlak thla ni 6: Vawiin khan Lunglei South bialtu MLA Pu Lalramliana Papuia chuan Mizo Upa Pawl (MUP), Lunglawn Annual General Meeting a hmanpui.

Pu Lalramliana Papuia chuan upate hi khawtlanga mi hlu an ni tiin, kum upa zawkte chu an tawnhriat aṭanga ṭhangtharte hnena thurawn pe ṭhin turin a ngen a. MLA a nihna zawnah pawh a ṭul apiangah thurawn pe ṭhin turin a ngen bawk.

Pu Lalramliana Papuia chuan middle school a kal chhuahna, Govt Chhimchhawng M/S, Lunglawn pawh tlawh nghalin, MLA Fund aṭangin Laptop Computer a hlan a. Nakkum February thlaa MṬKP Inkhawmpui neihna hmun tur Lunglawn Muala hnatlang thawkte pawh tlawhin, a bul hnai vel hmunhma thuam ṭhat ngai ṭhenkhat a en nghal a. Chawhnu lamah Salem Thlanmual kawng MLA Fund aṭanga PCC Pavement hna thawh mek pawh enpui nghalin, an hna thawh chinah hna ṭha taka an kalpui chu lawmawm a tih thu a sawi a, ṭha taka thawh chhunzawm zel turin a chah bawk.