3409/2024-2025

Dated Siaha the 6th December, 2024 : Vawiin chawhma dar 11:30 khan DC Mini Conference Hall, Siaha-ah District Level Committee on Mizoram Cleanliness Competition, Siaha district chu chuan thutkhawmna an nei a. He hun hi Chairman leh Siaha DC ni bawk Pu VL. Hruaizela Khiangte chuan a kaihruai.

MADC a Sr LAO, Pi S. Lalmuanpuii, Member Secretary hnen atangin Mizoram cleanliness competition atana inbuatsaihna leh hmalak dan hrang hrang projector hmangin enho a ni a, thlalak enhona leh member kalkhawmte atangin chak zawka hma lak dan tur sawiho niin hmalatu tur hrang hrangte ruat nghal an ni. Siaha khawpui endik hun hi December 7 a nih thu member secretary hian a sawi bawk.

Vawiin meeting-ah hian Pu Abraham Beirazi Khithie, Addl. DC, Pu Beimosia Lapi, Addl. SP, Pi S. Lalmuanpuii, Sr. LAO (MADC) Pu Vanlalchhuanliana, DPO/SDO (S), Dr. C. Lalnunziri, Sr. CMO, Dr. Manesia Khaimeichho, BDO/DTO, sawrkar department hrang hrang, Tlawmngai pawl leh Jt. VC aiawh an tel a ni.

Committee member-te hian meeting zawhah Siaha khawpui chhung hmun hrang hrang tlawh kual nghalin VC hmalak dan an enfiah bakah insakna bungrua senghawi ngai lai leh hma lakna tur an enho nghal a ni.