624/2025-2026

Lunglei, 2025 Ṭomir thla ni 15: Theiriat kawng chung (Sethlun-Theiriat Vengchung panna) chu kawng a zim avang leh mipui kea veivak leh lirtheia kalte an him zawk theih nan, Lunglei District Superintendent of Police Pu J. Lalmuankima chuan The Motor Vehicles Act, 1988 section 115/117 leh Government of Mizoram Notification No.B.12012/10/2004-TRP Dt.1.6.2020 tlawh chhanin a hnuaia mi ang hian lirthei tlan dan tur ruahmanna siamin, vawiin, May ni 15, 2025 khan hman nghal turin hriattirna a chhuah.

(i) Theiriat kawng chung (Sethlun-Theiriat Vengchung panna) kawngah hian Pick Up motor aia lian tlan phal a ni lo.

(ii) Buangrua load/unload ngai a awm a nih chauhin motor lian tlan luh phal a ni a, chuti ang ti turte chuan OC Lunglei-PS/Traffic i/c-ah hrilh hmasak zel tur a ni.

Tin, hemi chungchanga harsatna neite chuan a hnuaia mobile phone no. tar lanahte hian phone theih reng a ni e.

(1) SDPO, Lunglei - 9862596158

(2) Officer-in-Charge, Lunglei Police Station - 9485414441(PS-MB)/OC Mb-8974637760

(3) In-Charge Traffic Cell, Lunglei - 9863889704/8974637603

He thupek hian thu leh awm hma chu a huam ang. Hei hian dan leh thupek kengkawhtu Police duty, Magistrate duty, Fire & Emergency Service, Excise & Narcotics Department duty, Medical Duty, Disaster Response Force-te leh a bika Superintendent of Police, Lungleiin phalna a pekte chu a huam lo ang.