Pu Joseph Lalhimpuia, Vice Chairman, High Powered Committee, Lunglei District hovin Lunglei District hmasawnna tur atana Chief Minister hmalakna kalzel a Prime Minister Office a lo thehluh tawh “Special Development Initiative Package for Lunglei District” 10 % Gross Budgetary Support atanga hmuh tur chu a kaihhnawih Department hotute nen an thlir ho. He Special Development Initiative for Lunglei District hi Pu Joseph Lalhimpuia, Vice Chairman, High Power Committee, Lunglei kaihhruaina hnuaia siam niin Lunglei District tana hmasawnna tur Concept Note Rs 104.77 crore man chu Central Sawrkar-a Ministry hrang hrang ah lo thehluh tawh a ni.

Tunah hian Central a Ministry pakua (9) te chuan rawn chhang let tawhin sum rawn pek dan tur an ngaihtuah mek a ni. Vawiina meeting hian Ministry te duh dan anga Project her rem dan turte sawiin Concept note/ DPR te chu a rang lama  Ministry-a thehluh dan tur te an sawiho a ni. Sericulture Department kaltlangin Rs 2.00 crores hu rawn sanction thuai a nih tur thu leh Ministry of Urban Development in Serkawn a Sport Stadium leh Lunglei a Shopping Mall sakna tur a rawn tihfel thuai tur thu te Meeting ah hian sawilan a ni. He Meeting ah hian Planning Department, PHE, Sericulture, UD & PA, Social Welfare, Fishery leh Agriculture Department hotute an tel a ni.