Vawiin chhun dar 12:00 khan Directorate of School Education Conference hall-ah Preview Meeting on Continuous and Comprehensive Evaluation (CCE), Orientation Training Programme neih a ni a, Pu Lalsawta, Hon’ble Minister, School Education Department in a hmanpui.

He hun hmanpuitu, Pu Lalsawta chuan thusawiin “CCE System awm hma a zir chhuak kan nih hlawm avangin CCE hi kan lo la hrethiam lo tlang hle a ni. Thil thar duhlohna hrim hrim hi a awm ve a, mahse thil tha hi chu tihluihna pawh in ti zel ila a lo tha zawk thin a ni a ti. Zirna ah hian kan fimkhur a ngai khawp mai a, zirtirtute hian zirlai te - kan thuhnuaiah hian an awm a ni tih kan hriat chian hi a pawimawh khawp mai a, naupang ten eng ang zawngin nge an zirlai an hriat theih ang tih leh an hriat thiam theih ang, tih zawng a kan ngaihtuahna te kan hman thiam a pawimawh khawp mai, chuvang in zirtirtute chuan CCE hmang hian zirlai zawng zawng ten an zirlai te an thiam vek theih loh pawhin an hriat thiam theih dan tur a awm tih thu a sawi bawk.

He preview meeting hi Pu P Lalchhuanga, Director. School Education Department, Govt. of Mizoram in a kaihruai a, he meeting atana hriat tur tul pawimawh inhrilhhriatna leh sawizauna hun Pu V.Lalsiamthara, Addl. State Project Director, Mizoram SSA Mission in a hmang bawk.

CCE Orientation Training Programme atan hian Group-6 ah inthenin District hrang hrang paruk (6) ah programme nei turin ruahmanna siam a ni .

He preview meeting-ah hian Joint Director School Education Department leh State Project Office atangin officer te an tel tha hle a, Mizoram Middle School Teacher Association (MSTA) leh Primary Teacher Association (MPTA) aiawh te an tel tha hle bawk.