Vawiin chawhnu dar 12:00 khan Saiha District bawrhsap Pu Alok Swarup Office Chamber-ah meeting neih a ni. He meeting Pu Alok Swarup IAS kaihhruaiah hian zanin atanga cyclone Mahasen lo thleng mai thei laka Saiha district mipuite lo inpuahchah dan tur leh lo inralrin lawk dan tur sawi hovin kalkhawm ten mawhphurhna hrang hrang an in sem a ni.

He meeting-ah hian 16th & 17th May, 2013 chu darkar 24 chhung DC Office leh Police Department chu mipuiten thu chhia-tha an thlen theih nan hawna vil reng turin an rel. Tunah hian Saiha thlen hma Zero khua leh Kawlchaw khua inkara leimin avangin buhfai phur truck 4, gas phur truck 2 leh oil phur tank lorry 2 an tang mek a, engtikah nge kawng hi siam zawh a nih ang tih hriat a la ni lo.

Vawiin meeting-ah hian Saiha khawpui chhunga NGO hrang hrang aiawh te, department hrang hranga Head of Office te leh sawm bikte an tel tha hle.

Rik rum thilah chuan heng Phone No. ah te hian phone thei reng a ni e.

Police Control Room    :    03835-222032/225052/100
DC Office            :    03835-222024/09818826622
Addl. DC            :    9436144003
SDC                :    9862447706/8974668994
I&PRO            :    03835-222036/223029/9436379394
DM & R            :    9774478529