Vawiin khan Lunglei Town area huamchhunga Village Defence Party (VDP) te tan infuihtharna hun SP Conference Hall ah neih a ni.

He hunah hian Pu Zosangliana MPS, SP Lunglei chuan VDP member kal khawmte fuihna thu sawiin VDP te hi Police tha tichak leh tanpui tura din an nih thu leh Mizoram Sorkar pawhin a ngai pawimawh em em a, thlatina an cash incentive pawh cheng 500/- a tihsan a nih thu a sawi.

Tin, ruihhlo dona kawngah tun aia chak zawk leh Police te nen a pheikhai rual zawk a thawhho puiah a sawm bawk. VDP member kalkhawmte pawh in an harsatna leh an ngaih pawimawh zawngte sawi na hun an nei bawk a ni.

ND&PS dante in hrilhhriat tharna neih ni nghalin ruihhlo do kawngah tun aia chak zawka kal tura hma lak thar zel an tum a ni.