Vawiin chawhnu dar 1:00 khan Lunglei Circuit House Conference Hall-ah Lunglei DC leh Committee Chairman ni bawk Pu Abhijit Vijay Chaudhari, IAS kaihhruaiin Lunglei Town Vending Committee an thukhawm a. Sawkar laipuiin kawng kama thil zuar thin – vendor/ hawker te tana ruahmanna a siam te in hrilh hriatna neih a ni.

Meeting-ah hian Lunglei District Urban Development Officer leh Member Secretary ni bawk Pu Andrew Lalhruaia chuan Ministry of Housing & Urban Poverty Alleviation, Govt. of India hnuaia National Urban Livelihood Mission (NULM) kalphung sawifiahna hun a hman zawhin, khawtlang tana Street Vendor te an pawimawhna leh an tana hamthatna tam tak a awm thu a sawi.

Lunglei khaw chhunga kawng kama thil zuar te thutna tur mumal tak vending zone siam a nih tur thu leh a thu tur te pawh license leh register mumal tak pek an nih tur thu meeting ah hian tarlan a ni a. Committee chuan Lunglei khawpui chhunga hetiang ruahmanna (City Street Vending Plan) uluk zawka siam nise tiin kawng kama thil zuar te mamawh hrang hrang pawh pek nise tiin an rel.

Meeting-ah hian UD&PA-a mithiamte,  Police, Trade & Commerce aiawh te, Bank Manager te, Vendors/Hawkers Association, Merchandise leh khawtlang hruaitute an tel a ni