Lunglei DC Pu Abhijit Vijay Chaudhari, IAS kaihhruaiin vawiin chawhma dar 11:00 khan DC Conference hall-ah kumin Independence Day 70-na lawm dan tur an rel a. Sawrkar department, zirna in leh khawtlang hruaitu hrang hrang aiawh te an tel a ni.

Meeting chuan kumin Independence Day lawmna chu Thuamluaia Mualah hman leh nise a ti a. Khuallian chu sawrkar ruat tur a nih avangin sawrkar ruahmanna ngaihchan tha a ti a. Kumdanga tih thin angin parade contingent– armed, unarmed, school leh band party hrang hrang atanga nei leh in, endiktu turte ruat a, a titha te hnenah lawmman sem leh nise a ti.

Independence Day lawm tura thil pawimawh chi hrang hrang – field chei dan tur, traffic leh security, seating arrangement, parade contingent te hman tur lirthei, electric power supply, tui thianghlim in tur, first-aid leh a tul dangte ruahmanna fel tak siamin, mawhphurhna Department leh tlawmngai pawl hrang hrang te hnenah sem rual a ni.

Independence Day lawmna hi meeting chuan a ngaipawimawh hle a, sawrkar hnathawktu sawm te chu tel ngei tura tih nise a ti a. Heng bakah hian Independence Day lawmna puala infiamna tournament buatsaih rem a ti a. Home thlan bikte hnenah tanpuina thilpek pek nise a ti bawk.