3351/2022-2023

Lunglei the 25th January, 2023: Vawiin khan Lunglei DC Conference Hall-ah ‘Nothing like voting, I vote for sure’ tih thupui hmangin 13th National Voters' Day hman a ni. He hunah hian Lunglei District Election Officer leh DC ni bawk Pu Kulothungan A, IAS chu khuallian a ni. 13th National Voters' Day lawmna pual hian kum tling tharte hnenah EPIC sem niin Lunglei District chhunga BLO thawk tha te ‘Best BLO Award’ sem a ni bawk.

13th National Voters’ Day hmanna inkhawm Pi C. Lalduhzuali, Election Officer kaihhruaiah Pu Kulothungan A chuan thu sawiin January ni 25 hi Election Commission of India din ni niin, hemi pual hian 25th January 2011 khan a vawikhatna atan National Voters Day hi India ram pum ah hman tan a ni a, electoral roll-a hming ziahluh leh vote thlak hi India khua leh tui te dikna chanvo hlu berte zing ami ani tiin he kan mawhphurhna pawimawh tak hi mitinten kan ngaih hlut thiam a tul a ni a ti bawk. Vote thlak chu kan ram rorelna sang berah thu kan va sawi ve theihna hun hlu tak a ni tiin District mipuite chu election ngai pawimawha vote nei thei chin ten thlak theuh turin a chah a. Election kaihhnawih hmalakna hrang hrang a bik takin electoral roll dik leh felfai kan neih theihna tura hmalakna ah te ERO, AERO, BLO, NGO, Political Party te bakah media-te leh khawtlang hruaitute thahnemngaihna a fakawm tak zet a ni tiin Lunglei DC hian thawhho zel puiah a sawm bawk.

He hunah hian 13th National Voters' Day pualin thutiam sawihona hun hman a ni a. Pi Melody Ngurthantluangi, SDO (Sadar),Lunglei in a kaihruai a ni “Keini India khua leh tuite, mipui sawrkar a rinna nghat tlatte chuan mipui rorelna kalphung dik chawinung zel tur leh inthlanna felfai leh muanawm neih a nih theih nan inthlanna apiangah khua leh tui kan nih anga kan tih tur min dal thei chi reng reng sakhua emaw, chi leh kuang emaw, tawng hrang emaw avanga tihluihna leh thlemna engpawh hnawl a, huaisen taka vote turin ka intiam e.”

13th National Voters' Day pual hian Lunglei District chhunga BLO ti tha te chawimawina ‘Best BLO Award’ chu Pu Kulothungan A chuan a sem a, thuziak leh lawmman pawisa fai an dawng a ni. Kum tlingthar mi 10 Chanmari I atangin mi 5 leh Bazar II atangin mi 5 thlanchhuah te hnenah Pu Donny Lalruatsanga, Addl. DC in EPIC semna a nei bawk.

Lunglei District chhunga Assembly Constituency tina BLO thawk tha thlan chhuah te chu: