3496/2023-2024

LUNGLEI;the 25th January, 2024: Vawiin chawhma dar 11:00 khan Convention Centre, Auditorium-ah “Nothing like voting, I vote for sure” tih thupui hmangin 14th National Voters’ Day lawmna programme hlung tak hman a ni. Programme hi Pi T.T.Beikhazi, Election Officer in kaihruaiin, District Election Officer leh bawrhsap ni bawk Pi Ramdinliani chuan khuallian niin programme a hmanpui.

Pi Lalhlimpuii Ralte, SDO(Sadar) in Voter’s Pledge( Thutiam) kalkhawm te a lak tir zawhah Pu JC.Vanlalhmuaka, GS Lunglei Writers Association chuan ‘Vote thlak hlutna I hre thar ang u’ tih thupui hmangin Paper presentation hun a hmang.

Khaullian Pi Ramdinliani chuan National Voters’ day kan hman chhan sawiin, Election Commission of India in Thumb Rule a nei chu total Population hmun 3 thena hmun hnih(2/3) ( two-third) chu Electoral Roll-a an chuang tur tih a ni a. Mahse kum tling tawh si, Electoral Roll-a inthun ngaihsak tawk lo leh Vote nei tawh; Vote thlak hi India khua leh tui ka nih anga ka tih makmawh a ni, tih la hre tawk lo an awm thin tih hriain, rilru intuaithar leh nan leh Vote neih pawimawh zia leh vote thlak pawimawh zia chungchanga Awareness neihna hun remchang atan Voters’ Day lawmna hi kum 2011 atang khan a lo chingchhuak ta a ni, a ti. Pi Ramdinliani chuan vote neih hi kan chanvo( Privilege) hlu tak, India khua leh tui kum 18 chinin an neih theih chauh a ni a, Vote thlak hi India ram khua leh tui mitin ten India ram Rorelna-a an tel ve theihna a ni. A hma chuan inthlan kum te a ni lo a, kum khatah 1st January a kum 18 tling thar te chauh te tan Electoral Roll-ah an inziah lut theih avangin, January ni 1 hnu lama piang te tan chuan a kum leh January ni 1 hnuah chauh E-roll-ah an in ziaklut thei a. Tunah erawh chuan kum tin tum li: 1st January, 1st April, 1st July leh 1st October a kum 18 tling thar ten ERO office-ah kalin Electoral Roll-ah an inziak lut thei tawh a ni. Chuvangin Vote nei thei in nih veleh ERO /AERO office hnai ber panin, E-roll ah inthun luh vat in tum theuh dawn nia, tiin zirlai naupang kalkhawm vote la nei ve lo te a chah bawk a ni.

14th National Voters’ day pual hian Painting, Essay leh Quiz Competition te college leh HSS zirlai te tan buatsaih a ni a.

Quiz Competition a lawmman dawngtu te chu:

a) 1st Prize---Higher and Technical Institute (HATIM) an ni hian------₹10,000 + Citation an dawng
b) 2nd Prize---Lunglei Gov’t.College an ni hian-----₹8000+ Citation an dawng
c) 3rd Prize---Mizoram Polytechnic Lunglei, an ni hian -----₹7000+ Citation an dawng

Essay Competition a lawmman dawngtu te chu:

a) 1st Prize---T.Lalduhawma(JB College) a ni hian-----₹5000 + Citation a dawng
b) 2nd Prize---Thomas Lalfaka Pakhup(HATIM) a ni hian-----₹4000+ Citation a dawng
c) 3rd Prize---Vanlalpeka (JB College) a ni hian -----₹3000+ Citation a dawng

Painting Competition a lawmman dawngtu te chu:

a) 1st Prize---Lalhruaizula pachuau (BHSS) a ni hian-----₹4000 + Citation a dawng
b) 2nd Prize—K.Lalbiaksangi (BHSS) a ni hian-----₹3000+ Citation a dawng
c) 3rd Prize---Sweli Begum (SH HSS) a ni hian -----₹2000+ Citation a dawng

Heng bakah hian Lunglei District Assembly Constituency tin a BLO thawk tha ber(Best BLO) te hnenah lawmman ?2000 + Citation pek theuh an ni bawk:-

30-Lunglei North AC atangin-------------- Pu H.Lalthansiama
31-Lunglei East AC atangin-----------------Pi Lalhluzuali
32-Lunglei West AC atangin----------------Pu Zomuanpuia
33-Lunglei South AC atangin---------------Pi TC Lalrimawii
34-Thorang AC atangin----------------------Pu Ngurhmingliana Sailo

35-West tuipui AC atanga dawngtu erawh Tlabunga NVD lawmna programme-ah lawmman hi pek a ni.