107/2024-2025 

LUNGLEI, the 9^th April, 2024:  Vawiin chawhma dar 10:00 khan kan hma lawka Lok Sabha Inthlanpuia hman tur Electronic Voting Machine (EVM) 2^nd Randomization chu Aizawl Bawrhsap, Pi Nazuk Kumar, 1-Mizoram Parliamentary Constituency Returning Officer ni bawk kaihhruaina hnuaia neih a ni a. District hrang hrang atangin District Bawrhsap ten Video Conference hmangin he hun hi an chhim a. Lungleiah pawh Bawrhsap leh DEO nibawk Pi Ramdinliani office chamber atangin he hun hi Political Party hrang hrang aiawh te leh Election Official te hova chhim ve a ni.

Vawiin 2nd Randomization of EVMs programme hi 1-Mizoram (ST) Parliamentary Constituency  tana General Observer ruat Dr. Nipun Vinayak, IAS chuan DC Mini Conference Hall atanga chhimin, a hriatpui hlawm a ni.

Electronic Voting Machine (EVM) hian Control Unit (CU) leh Ballot Unit (BU) bakah Voter Verifiable Paper Audit Trail (VVPAT) te a keng tel a. Heng khawl te hi inthlanna atana hman turte chu ECI duh dan angin First Level Checking (FLC) neih niin, ECIL Engineer-te leh sawrkar official ten Political Party aiawhte awm laiin EVM-te endikna neih a nih hnuah, inthlanna atan a hman theih turte chu District Strong Room-ah sipai venhimna hnuaiah dah that thin an ni.

 FLC hi Lunglei District-ah chuan 13-15th February 2024 ah neih a ni a, chutah chuan BU- 283, CU- 293 leh VVPAT- 303 te endik an ni a, BU-275, CU- 256 leh  VVPAT- 297 te chu election a hman tlak a ngaih an ni a. A thawh hnih nan ECI in EVM min pek belh avangin 7th March 2024 chhungin neih leh a ni a, hetah hian  BU-20, CU- 4 leh  VVPAT- 20 te chu endik niin; an vaiin election a hman theih turin pawm vek an ni. Heng FLC paltlang EVM te hi District Strong Room-ah dahthat vek an ni a. FLC paltlang zo lo EVM te chu Chief Electoral Officer, Mizoram hnenah thawn let vek an ni tawh. Tichuan, FLC neih hnuah Lunglei District-a EVM kan neih dan chu hetiang hi a ni: Ballot Unit (BU) – 276, Control Unit (CU) – 277 leh VVPAT – 298.

Heng CU, BU leh VVPAT ,FLC paltlang tawh tea tang hian Computer in Election-a hman tur Polling Station awmzat( 176)  bakah  Reserve a awm tur Control Unit- 45%, Ballot Unit-45% leh VVPAT-55%  te chu 1^st Randomization-ah hian thlanchhuah a ni a.

Chung 1^st Randomization-a thlanchhuah  Control Unit (CU)-253, Ballot Unit (BU)-253 leh VVPAT-269 te chu Assembly Segment (A/S)6 (paruk)  Viz: 30-Lunglei North (ST), 31-Lunglei East (ST), 32-Lunglei West (ST), 33-Lunglei South (ST), 34-Thorang (ST) leh 35-West Tuipui (ST)- ah sem darh( randomize)  a ni.  ECI in a ruahhman angin (EVM Management System) EMS 2.0 hmanga EVM te hi Randomize an ni.Reserve CU & BU leh VVPAT -te hi Sector Magistrate ten Polling Day-a EVM chhia te thlak nan an keng chhuak dawn a ni.

Vawiin 2^nd randomization-ah hian EVM-te chu Assembly segment 6 hnuaia Polling Station hrang hrangah computer hmanga sem darh (Randomised) leh an ni a. Chung sem darhna lehkha print out pawh Political party hrang hrang aiawhte hnena pek vek a ni bawk.

Tichuan Commissioning of EVMs hi tahrik ni 10 - 12 April, 2024-ah Saikuti Hall-ah neih a ni ang a, chutah chuan Political Party te hriatpuina hnuaiah election a hman theih turin EVM khawlah hian Candidate te hming leh chhinchhiahna (symbol) bel/ tar a buatsaih fel an ni dawn a ni.